ඓතිහාසික ගඩලාදෙණිය ශ්‍රි සද්ධර්මතිලක රාජමහා විහාරයෙහි සහ ගඩලාදෙණිය ශ්‍රී විෂ්ණු දේවාලයෙහි වාර්ෂික ඇසළ පෙරහැර මංගල්‍යයෙහි සමාරම්භය සනිටුහන් කරමින් පෙරසිරිත් ප්‍රකාර ව සැප්කැම්බර් මස 22 වන දින එනම් අද දින පූර්වභාග 05.35 ට යෙදුණු සුභ මොහොතින් කප් සිටුවීමේ චාරිත‍්‍රය සිදුකරන ලදී.
අනතුරු ව සිරිත් පරිදි ඇතුල් පෙරහැර පවත්වා සැප්තැම්බර් මස 27 වැනි දින සිට පුරා දින පහක් පුරා කුඹල් පෙරහැර පහක් සිදුකොට ඔක්තෝම්බර් මස 2 වැනි දින රන්දෝලි පෙරහැර ආරම්භ කොට 5 සහ 6 යන දෙදින ගඩලාදෙණිහ ශ්‍රී සද්ධර්මතිලක රාජමහා විහාරය හා ශ්‍රී විෂ්ණු දේවාලය ඒකාබද්ධ ව රන්දෝලි පෙරහැර පවත්වනු ලැබේ. අනතුරු ව සිරිත් පරිදි ඔක්තෝම්බර් මස 7 වන ඉරු දින හිමිදිරියෙහි දියකැපුම් පෙරහැර ශ්‍රී විෂ්ණු දේවාලයෙන් පිටත් ව ගැටඹේ තොට කරා ගොස් දිය කැපීම සිදුකොට එදින දහවල් පෙරහැර පවත්වා පෙරහැර මංගල්ලය නිමාවට පත් කිරීමට නියමිත ය.
No comments:
Post a Comment